د عامې روغتیا وزیر، ښاغلي ډاکټر قلندر عباد او ورسره مل پلاوي په قطر هېواد کې د “روغتیايي وضعیت او د ماشومانو فلج” تر عنوان لاندې جوړ شوي کنفرانس کې ګډون وکړ
دغه کنفرانس چې د قطر هېواد د روغتیا وزارت په همکارۍ جوړ شوی و، د روغتیا نړیوال سازمان، یونیسف او د بېلګېټس بنسټ مسئولینو په کې ګډون کړی و
د عامې روغتیا وزارت له لوري په افغانستان کې د پولیو اوسنی وضعیت، لاسته راوړنې او راتلونکي پلانونه د مجلس له ګډونوالو سره شریک شوه، چې د ګډونوالو له لوري په دې او نورو روغتیايي برخو کې د لا ښې همغږۍ او همکارۍ ډاډ ورکړل شو.
د یادونې وړ ده، چې د دې کنفرانس موخه په پاکستان او افغانستان کې د پولیو عمومي وضعیت ارزول، په دې هېوادونو کې تر اوسه دغه ویروس شتون دلایلو او په بشپړه توګه د له منځه وړلو په اړه بحث او خبرې ترسره شوې.
