د  پروسو د ساده کولو په مرسته په اداري چارو کې د اسانتیا راوستو په موخه د هوکړه لیکونو لاسلیک غونډه ترسره شوه

rasooli_admin
Wed, May 15 2024 3:41 PM
MOPH

په دې غونډه کې چې د افغانستان اسلامي امارت د رسنیو په مرکز کې جوړه شوې وه د ریاست الوزراء عالي مقام اداري مرستیال، ښاغلي مولوي عبدالسلام حنفي، د چارو ادارې لوی رئیس، نورالحق انور، د عامې روغتیا وزارت د روغتیايي خدمتونو د وړاندې کولو مرستیال، ښاغلي مولوي عبدالولي حقاني او د یو شمېر نورو وزارتونو او ریاستونو مرستیالانو او استازو ګډون کړی و.

د عامې روغتیا وزارت د روغتیايي خدمتونو د وړاندې کولو مرستیال، ښاغلي مولوي عبدالولي حقاني د پروسو د ساده کولو موخه په اداري چارو کې اسانتیا یاده کړه او ویې ویل، د دې پروسې په تطبیق سره به په اداري چارو کې روڼتیا، د مراجعینو د ګڼې ګوڼې مخنیوی، د حکومت او خلکو ترمنځ د واټن کموالی، د اسنادو په طی مراحلو کې اسانتیا او په اداري چارو کې لا موثریت رامنځته شي.

د یادونې وړ ده، چې دغه پروسه د چارو ادارې لوی ریاست تر چتر لاندې د اداري اصلاحاتو او ملکي خدمتونو ادارې له لورې پلي کېږي، چې پخوا یې هم د یو شمېر وزارتونو، ریاستونو او اداراتو سره په دې برخه کې هوکړه لیکونه لاسلیک کړي او دا ځل یې د عامې روغتیا وزارت، پوهنې وزارت، کرنې او مالدارۍ وزارت، برېښنا شرکت، کابل ښاروالۍ او د ښاروالۍ د انسجام لوی ریاست سره د پروسو د ساده کولو په برخه کې هوکړه لیکونه لاسلیک کړل.

Latest news

Wed, Jun 12 2024 10:14 AM
Background image

A tuberculosis diagnosis machine called Gen Expert in Paktia Province

The Paktia province's public health department has provided the Zurmat district hospital with a tuberculosis diagnosis machine called Gen Expert.

This machine will help diagnose. . .

BACK TO NEWS