غزني ولایت کې د نسايي ولادي روغتون د جوړولو د بنسټ ډبره کېښودل شوه
د غزني ولایت په جاغوري ولسوالۍ کې د ځایي اوسېدونکو له لوري د ۴۵ میلیونه افغانیو په ارزښت د نسايي ولادي روغتون د جوړولو د بنسټ ډبره کېښودل شوه
په همدې موخه جوړو شویو مراسمو کې د غزني عامې روغتیا رئیس، ډاکتر زرک (ځیرک) د یاد روغتون په جوړېدو خوښي څرګنده کړه او ویې ویل، یاد مرکز د سیمې اوسېدونکو له لوري جوړیږي، چې نن یې عملاً د جوړولو چارې پیل او نږدې راتلونکي کې به ګټې اخیستنې ته وسپارل شي.
نوموړي همداراز د ځایي خلکو د دغه نېک ګام ستاینه وکړه او زیاته یې کړه، د یادې پروژې په بشپړېدو سره به د نسایي ولادي ناروغانو ستونزې تر دېره حل شي.
