د هېواد د ولایتونو او زونونو په تخصصي روغتونونو کې د اکمال تخصص برنامې د OSCE تقریري ازموینې اخیستلو پروسه پای ته ورسېده
دا ازموینه د عامې روغتیا وزارت د حکم سره سم د یوې شفافې پروسې په ترڅ کې د اکمال تخصص برنامې د ولایتي روغتونونو د استادانو، د ازموینو ولایتي کمېټې او ټاکل شوي هیئت په شتون کې د حمل میاشتې په ۳۰مه، ۲۹مه او ۳۱مه نېټه په اکمال تخصص برنامه کې د شاملو ټریني ډاکټرانو څخه واخیستل شوه، ترڅو د هېواد روغتونونو ته وړ طبي متخصصین وړاندې شي.
په دې ازموینه کې د کندهار، هرات، بلخ او ننګرهار زونونو او د پروان، خوست، هلمند، تخار او بدخشان ولایتونو له تخصصي روغتونونو څخه ټریني ډاکټرانو ګډون کړی و.
ټاکل شوې د مرکز په تخصصي روغتونونو کې هم د دې ازموینې اخیستلو پروسه د ۶/۲/۱۴۰۴ نېټې څخه پیل شي.
