د ا.ا.ا. د عامې روغتیا وزیر، ښاغلي مولوي نور جلال جلالي کونړ ولایت ته د خپل سفر په ترڅ کې د چین، یونیسف او روغتیا برخه کې د همکارو مؤسسو له مسئولینو سره بېلابېلې ناستې ترسره کړې
یادې ناستې د زلزلې له امله زیانمنو شویو ته د غوره روغتیایي خدمتونو وړاندې کولو په موخه ترسره شوې، چې په کې د همکارو مؤسسو له مسؤلینو وغوښتل شول، تر څو په دې سختو ورځو کې زیانمنو شویو هېوادوالو ته روغتیایي خدمتونو وړاندې او ستونزو ته یې بشپړه رسېدنه وشي.
د عامې روغتیا وزیر، ښاغلي مولوي نور جلال جلالي په ختیځ کې وروستۍ زلزلي د ټول هېواد په کچه یو لوی ناورین وباله او زیانمنو شویو هېوادوالو سره یې د هر ډول مرستې کول د ټولو مسئولیت وباله.
بل لور، په یادو ناستو کې د همکارو مؤسسو مسؤلینو ډاډ څرګند کړ، چې د زلزلې له امله د زیانمنو شویو هېوادوالو درملنې برخه کې به خپلو هڅو ته دوام ورکوي.
