ننګرهار، خوست، غزني، کنړ، پنجشیر او بدخشان ولایتونو کې له یو شمېر روغتیایي کتنځایونو، درملتونونو، تولیدي فابریکو او د خوراکي توکو پلورنځیو څخه نظارت ترسره شو

دغه نظارت د یادو ولایتونو د عامې روغتیا مسؤلینو له لوري ترسره شو، چې پایله کې یې ننګرهار ولایت کې د درملو یوه تولیدي فابریکه د غیر معیاري درملو تولید له امله وتړل شوه او ۲۵ قلمه له نېټې تېر خوراکي توکي راټول شول. همدارنګه، خوست ولایت کې ۸۰ قلمه درمل او ۳۹ قلمه له نېټې تېر خوراکي توکي راټول او د له منځه وړلو په موخه مرکزي ګودام ته ولېږدول شول.

همداراز، کنړ ولایت کې ۲۰۸ قلمه درمل او ۳۰ قلمه خوراکي توکي، غزني ولایت کې ۱۲ بستې خوراکي توکي او پنجشیر ولایت کې ۴۲ قلمه درمل او ۴۰ قلمه له نېټې تېر خوراکي توکي راټول شوي او بدخشان ولایت کې ۵ درملتونونه د غیرقانوني فعالیت له امله تړل شوي دي.