د خوړو او درملو معينيت د سندونو د تحلیل او فعالیتونو د تنظیم ریاست د همغږۍ میاشتنۍ غونډه ترسره شوه

rasooli_admin
Thu, Jun 11 2026 1:00 PM
moph

دا غونډه د سندونو د تحلیل او فعالیتونو د تنظیم رئیس، مولوي محمد موسی فایق په مشرۍ د دې ریاست د آمرينو، مشاورينو او کارکوونکو په شتون کې ترسره شوه، چې موخه یې د سپارل شویو چارو د پرمختګ ارزونه، د لاسته راوړنو څېړنه، د بېلابېلو کاري برخو د ستونزو او ننګونو اورېدل او د کارکوونکو او مسئولینو ترمنځ د لا زیاتې همغږۍ رامنځته کول وو.

په دې غونډه کې ښاغلي فایق د ژمنتیا تر څنګ د مسئولیت‌ منلو او اداري نظم پر اهمیت ټینګار وکړ او له کارکوونکو یې وغوښتل، چې خپلې سپارل شوې دندې په غوره ډول ترسره کړي.

 نوموړي همدارنګه د اسلامي او اداري اصولو پر مراعت، له همکارانو او مراجعینو سره پر نیک او له درناوي ډک چلند، د همکارۍ د روحیې پر ساتلو او د خدمت کولو فرهنګ پر پیاوړتیا ټینګار وکړ.

سربېره پر دې، د سندونو د تحلیل او فعالیتونو د تنظیم رئیس د اداري سلسله مراتبو مراعتول، د وظیفوي تداخل مخنیوی، د دندو د لایحو اړوند د چارو ترسره کول، د کاري بهیرونو چټکتیا او د کره او پر وخت راپورونو وړاندې کول د بریالیتوب او کاري اغېزمنتیا مهم عوامل وبلل او له ټولو کارکوونکو يې وغوښتل، چې د خوړو او درملو معینیت د موخو تحقق لپاره خپلې هڅې لا زیاتې کړي.

دغه راز په دې غونډه کې ګډونوالو د خپلو کاري برخو اړوند نظرونه، وړاندیزونه، ستونزې او ننګونې شریکې کړې او د چارو د ښه والي او اداري همغږۍ د پیاوړتیا لپاره د مناسبو حل‌ لارو په اړه بحث او خبرې تر سره شوې.

Latest news

Wed, Oct 28 2026 4:24 PM
Background image

Leadership and Technical Committee Meeting Held to Review and Develop the Reproductive Health Strategy

The meeting was chaired by Dr. Sayed Rasool Mangal, Director General of Policy and Planning of the Ministry of Public Health, and attended by directors and representatives of various. . .

Wed, Oct 28 2026 9:09 AM
Background image

Voluntary Blood Donation Campaign Held in Pul-e Khishti, Kabul

The Ministry of Public Health’s National Blood Bank conducted a public awareness and voluntary blood donation campaign in the Pul-e Khishti area of Kabul city.

During the campaign, a. . .

Wed, Oct 28 2026 9:07 AM
Background image

420 Motorcycles to Be Procured for Provincial Health Supervisors

The Ministry of Public Health plans to procure 420 motorcycles for health supervisors in the provinces to strengthen the monitoring of health services and facilitate their related. . .

BACK TO NEWS