د عامې روغتیا وزارت او د شهید استاد برهان الدین رباني د ښوونې او روزنې پوهنتون ترمینځ تفاهم نامه لاسلیک شوه
د عامې روغتیا وزارت د پالیسۍ او پلان جوړونې معین ډاکټر بشیر نورمل، د روان کال د لیندۍ میاشتې په ٢٩ مه نېټه د رواني روغتیا، رواني/ټولنیزو مشاورو په پار د شهید استاد برهان الدین رباني پوهنتون له مسؤلینو سره تفاهم نامه لاسلیک کړه.
د دې دوه اړخیزې تفاهم نامې د لاسلیک کولو موخه، د نوي معیارونو او د هېواد غوښتنو پراساس د ارواپوهنیزو څېړنو، زده کړو، سیمینارونو او د دې پوهنتون د زده کړیالانو تربیه ده.
په دغه ناسته کې د پالیسۍ او پلان جوړونې معین چې په دې اړه جوړه شوې وه وویل: "د دغې تفاهم نامې په لاسلیک کولو سره به دواړه خواوې، وکولای شي چې یوبل سره تخنیکي مرسته وکړي تر څو علمي محصولات د هېواد د روغتیایي خدمتونو بازارونو کې په ښه/ موثر ډول وکارول شي او له دې طریقه د خلکو رواني ستونزو ته ښه لاسرسی وشي.
