د عامې روغتیا وزارت سرپرست د روغتیایي مرکزونو سمبالولو باندې ټینګار وکړ
پنجشنبه، غویی ۱۶/۱۴۰۰
د عامې روغتیا وزارت سرپرست ډاکتر وحید مجروح، نن د دې وزارت د بورډ په ناسته کې د روغتیایي مرکزونو په تجهیز، په ځانګړي ډول د اکسیجن تولید دستګاه وؤ په نصبولو ټینګار وکړ.
ډاکتر مجروح، د روغتیایي ادارو کړنو د ارزولو سربېره د روغتیایي مراکزو د تجهیز په اړه د روغتیایي ادارو له مسؤولینو څخه وغوښتل، چې په روغتیایي مرکزونو کې د اکسیجن تولید دستګاه وؤ د نصب او د اکسیجن د ریزرفي بالونو چې په روغتیایي مرکزونو کې ډېره اړتیا ده جدي اقدمات دې وکړي.
له بلې خوا د عامې روغتیا وزارت سرپرست، د روغتیا ملي اوونۍ په جریان کې د دولتي او روغتیاي کار کوونکو د قدرداني او یو شمېر لویو روغتیایي پروژو د افتتاح په پار د روغتیا ملي جشنوارې په لاره اچول یاد کړل او د روغتیايي ادارو له مسؤولینو یې وغوښتل چې د دې برنامه د جوړولو په پرخه کې دې لا ډېره هڅه وکړي.
همدارنګه په دغه ناسته کې د اړوندو څانګو مسؤلینو د خپلو کاري مختګونو په برخه کې چې د ولسمشر د لارښوونو سره سم په ۱۲ مواردو کې د عامې روغتیا وزارت ورکړل شوي وؤ د وزارت مشرتابه ته یې په اړه وضاحت ورکړل شو.
