د عامې روغتیا سرپرست په کابل کې د کورونا ویروس خپرېدو د مخنیوي لپاره پر نورو محدودیتونو ټینګار کوي
پنجشنبه، غبرګولی ١٣/١٤٠٠
د عامې روغتیا سرپرست ډاکتر وحید مجروح، نن د کابل له والي محمد یعقوب حیدري، د کابل ښاروال داوود سلطان زوی، د حج او اوقافو وزارت مرستیال داکتر امین الدین مظفری او د کابل امنیه قوماندان سره په یوه بېړنۍ ناسته کې په کابل کې د کورونا ویروس خپرېدو د مخنیوي لپاره په کابل کې د زیاتو محدودیتونو پر پلي کېدو ټینګار وکړ.
په دې ناسته کې له غونډو څخه د مخنیوي د څرنګوالي په ځانګړي توګه د حمامونو، د لامبو وهلو حوضونه، د سپورټ تالارونه، د فاتحې صالونونو او د ګڼې ګوڼې ځایونو د بندولو په اړه بحث د نظر تبادله وکړه.
د عامې روغتیا وزارت سرپرست، په کابل کې د کورونا ویروس د خپرېدو په اړه اندېښنه څرګنده کړه او ویې ویل چې د ټولنیزو غونډو او ګڼې ګوڼې بندول به له موږ سره د ویروس په کنټرول کې مرسته وکړي.
ډاکترمجروح، روغتونونو ته د اکسیجن رسول یوه جدي اړتیا وبلله او د کابل له والي او امنیه قوماندان څخه یې وغوښتل چې د آکسیجن بالونونو په برابرولو کې د عامې روغتیا وزارت سره همکاري وکړي.
په ورته وخت کې د کابل ولایت مسؤولینو، د کابل ښاروال، د حج او اوقافو وزارت او قوماندانان په کابل کې د نورو محدودیتونو د وضعیت په اړه خپل نظریات او وړاندیزونه وړاندې کړل او په خپله هر اړخیزه همکارۍ یې ټینګار وکړ.
