په کندز ولایت کې په کرونا ویروس اخته ناروغانو ته یوه اندازه خوراکي توکي وویشل شول
سه شنبه غویی ٢٠/ ۱۴۰۱
د اروپايي ټولنې په مالي مرسته د آغاخان دفتر په کندز ولایت کې د کرونا ویروس ۸۸۵ ناروغانو ته شپږ قلمه خوراکي توکي وویشل.
د دغو توکو د ویش لړۍ به نن د کندز ولایت د عامې روغتیا رئیس ډاکټر نجیب الله ساحل او د آغاخان د دفتر، جک دفتر او رسنیو د استازو په حضور کې پر ۱۰۰ تنو مستحقینو وویشل شي.
د کندز د عامې روغتیا رئیس په دغه ولایت کې په کرونا وايروس اخته کسانو د درملنې لپاره د آغاخان دفتر او اروپايي ټولنې له مرستو او همکاریو مننه وکړه او د اړو کسانو لپاره یې د لا زیاتو همکاریو غوښتنه وکړه.
