د عامې روغتیا وزیر، ښاغلي ډاکټر قلندر عباد پکتیکا ته د سفر په ترڅ کې ددې ولایت والي، ښاغلي مولوي فیض الله جمال حقاني سره لیدنه ترسره کړه
په دې لیدنه کې د پکتیکا والي، مولوي فیض الله جمال حقاني د پکتیکا ولایت روغتیايي ستونزې، غوښتنې او وړاندیزونه د عامې روغتیا وزارت له ښاغلي وزیر سره شریکې کړې او مننه یې وکړه چې د دې ولایت روغتیايي ستونزو د اورېدو په موخه یې دې ولایت ته سفر کړی دی.
د عامې روغتیا وزیر، ښاغلي ډاکټر قلندر عباد په دې ولایت کې شته روغتیايي ستونزې واورېدې او د پکتیکا والي، مولوي فیض الله جمال حقاني ته یې د حل ډاډ ورکړ.
ښاغلي وزیر همداراز زیاته کړه، د افغانستان اسلامي امارت د عامې روغتیا وزارت ټولو هغو سیمو ته چې په تېر کې ورته هېڅ ډول پاملرنه نه ده شوې او اوسېدونکي یې له روغتیايي خدماتو محروم پاتې دي، پوره پاملرنه کوي او معیاري روغتیايي خدمات ورته وړاندې کوي.
