د عامې روغتیا وزارت مالي او اداري معین د زابل ولایت له روغتیايي مرکزونو څخه لیدنه ترسره کړه
د افغانستان اسلامي امارت د عامې روغتیا وزارت مالي او اداري معین، مولوي محمد اسحق صاحبزاده زابل ولایت ته د سفر په ترڅ کې د مرکز قلات په ګډون د شاجوې، دایچوپان، خاک افغان ولسوالیو روغتیايي مرکزونو او ولایتي روغتون څخه لیدنه ترسره کړه.
مالي او اداري معین د یادو روغتیايي مرکزونو د روغتیايي کارکوونکو له هڅو او کوښښونو قدردانی وکړ او ویې ویل، له ټولو موجوده امکاناتو څخه په ګټې اخيستنې باید ولسونو ته عادلانه معیاري روغتیايي خدمات وړاندې شي.
ښاغلي معین همداراز د یادو روغتیايي مرکزونو څخه د لیدنې پر مهال د روغتیايي مسئولینو ستونزې او وړاندیزونه واورېدل او د حل ژمنه یې وکړه.
د افغانستان اسلامي امارت د عامې روغتیا وزارت ژمن دی؛ څو د هېواد ټولو وګړو ته معیاري عادلانه روغتیايي خدمات وړاندې کړي.
