د عامې روغتیا وزارت مالي او اداري معین، ښاغلي مولوي محمد اسحق صاحبزاده په بهر کې د مېشت استادانو او متخصصینو له استازو سره لیدنه ترسره کړه
د عامې روغتیا وزارت مالي او اداري معین، ښاغلي مولوي محمد اسحق صاحبزاده په بهر کې د مېشت ۱۵۰ تنو استادانو او متخصصینو له استازو سره په لیدنه کې په کور دننه په روغتیايي او نورو برخو کې پر پانګه اچونه، له یو بل سره د تجربو پر شرېکولو او نورو روغتیايي موضوعاتو بحث او خبرې ترسره کړې.
مالي او اداري معین، د افغان استادانو او متخصصینو چې له ډلې یې ډاکټر عبدالله رحمتي، ډاکټر حلیم تنویر، عبدالهادي دولتزی، محمد کبیر حسیني او محمد نسیم وردګ شتون درلود، غوښتنه وکړه چې بېرته خپل هېواد ته راستانه شي او هېوادوالو ته د خدمت جوګه وګرځي.
په بهر کې مېشت افغان استادانو او متخصصینو ژمنه وکړه چې په کور دننه د پانګې اچونې، له یو بل سره د تجربو د شریکولو او نورو برخو کې له عامې روغتیا وزارت سره همکاري ترسره کړي.
