د عامې روغتیا وزارت اکمال تخصص ریاست خبرتیا!
ټول په شرایطو برابر داوطلبان کولای شي د عامې روغتیا وزارت اکمال تخصص ازموینې لپاره د ۱۴۰۳ لمریز کال جدي میاشتې ۱۶ مې نېټې پورې د لاندې لینک له لارې نوملیکنه وکړي.
نوملیکنې برخه کې د پام وړ ټکي:
ټول هغه ډاکټران چې ایګزیټ ازموینه یې په بریالۍ توګه ترسره کړي وي، کولای شي په انلاین توګه نوملیکنه وکړي.
هغه داکټران چې د ایګزیټ ازموینې څخه مخکې فارغ شوي دي، د خپلو تحصیلي اسنادو او برېښنایي تذکرې سره دې د ازموینې ملي ادارې ته مراجعه وکړي.
د ملکي برخې ډاکټران د نظامي برخې بستونو ته او د نظامي برخې ډاکټران د ملکي برخې بستونو ته نوملیکنه نه شي کولای.
د ملکي برخې بستونو رشتې کوډ په لاندې لینک کې شتون لري.
د نظامي برخې ډاکتران کولای شي د نظامې رشتې د بستونو کوډ خپلو اړوندو روغتونونو څخه ترلاسه کړي.
ازموینه په انګلیسي ژبه اخیستل کېږي، چې ریفرینس یې وړاندې د عامې روغتیا وزارت له لوري نشر شوی دی.
هر داکټر کولای شي یو ځل نوملیکنه وکړي.
هر ډاکټر کولای شي درې رشتې (څانګې) انتخاب کړي.
په روغتونونو کې د بستونو د انتخاب حق یواځې هغو ډاکټرانو ته ورکول کېږي، چې د لوړو نمرو پر اساس خپلې انتخاب شوې رشتې ته بریالی شوی وي. (د پایلو د اعلان څخه وروسته)
په ازموینه کې د ګډون حق ۵۰۰ افغانۍ دی، چې د بایومټریک په ورځ اخیستل کېږي.
د نوم لیکنې لینک : https://sites.google.com/view/nexa-results/mophspec1403
