الحاج عبدالناصر محمدي د عامې روغتیا وزارت د محیطي روغتیا ریاست د رئیس په توګه د یاد ریاست کارکوونکو ته وروپېژندل شو
په همدې موخه جوړو شوو مراسمو کې د عامې روغتیا وزارت د مقام د دفتر رئیس، ښاغلي مولوي محمد حسن محمدزي وویل، تغیر او تبدیل او له احکامو پیروی د اسلامي نظام مهم اصل دی او د ریاست الوزراء د محترم مقام د حکم له مخې د کاري چارو د ښه والي په موخه الحاج عبدالناصر محمدي د عامې روغتیا وزارت د محیطي روغتیا ریاست د رئیس په توګه دغه ریاست ته ور وپېژندل شول.
د عامې روغتیا وزارت د مقام د دفتر رئیس، نوي رئیس ته په چارو کې د بریالیتوب غوښتنه وکړه او د یاد ریاست له کارکوونکو یې وغوښتل، چې د تېر په څېر خپلو همکاریو ته دوام ورکړي؛ تر څو په دې برخه کې شته ستونزې حل او پر وخت ورته رسېدنه وشي.
