لیکنې
روغتیایي پیغام!
خپل ماشومان د مینې او مهربانۍ په څرګندولو، د ښه چلند او له ګواښ او سپکاوي څخه په ډډه کولو سره د نشه يي توکو له کارولو نه وساتئ؛ ځکه د نشه يي توکو کارول د هغوی د ژوند ټولې برخې، په ځانګړي ډول ذهني وړتیاوې، زده کړې او ټولنیزې اړیکې ګډوډوي.
روغتیايي پیغام!
هر مراجعه کوونکی باید د روغتیايي مرکز له پرېښودو مخکې د خپلې ناروغۍ د مخنیوي او درملنې په اړه بشپړ معلومات ترلاسه کړي، تر څو درملنه پر ټاکلي وخت او سمه توګه تر سره شي.
روغتیايي پیغام!
هغه کسان چې د بدن دفاعي سیستم یې کمزوری وي، ژر په حاد تنفسي انتان اخته کېږي؛ لکه ماشومان، زاړه کسان، روږدي کسان او هغه کسان چې د زړه او تنفسي ناروغۍ لري؛ نو راځئ چې پاکوالی مراعت کړو او خپل ځانونه خوندي وساتو.
روغتیایي پیغام!
ګرانو هېوادوالو!
خپل ماشوم ته د ژوند په لومړیو شپږو میاشتو کې یوازې د مور شیدې ورکړئ؛ ځکه د مور شیدې ټول اړین پروټینونه، ویټامینونه، منرالونه او انټي باډۍ لري. دغه مواد د ماشوم د ودې او پرمختګ، د هاضمي او معافیت سیستم په پیاوړتیا کې مرسته کوي.
روغتیایي پیغام!
ګرانو هېوادوالو!
سینه بغل د تنفسي سیستم یوه جدي ناروغي ده، چې ساه اخیستل ستونزمنوي. دا ناروغي اکثر د میکروبونو یا ویروسونو له امله رامنځته کېږي. که تاسو په دې ناروغۍ اخته یاست، نو ژر تر ژره ډاکټر ته مراجعه وکړئ!
روغتیایي پیغام!
د ماشومانو هېر شوي واکسینونه:
ګرانو هېوادوالو! هغه ماشومان چې له واکسین څخه پاتې شوي وي، مهرباني وکړئ روغتیایي مرکزونو ته یې یوسئ او پر وخت ورته واکسین تطبیق کړئ، ځکه دا کار د هغوی ښه او روښانه راتلونکی جوړوي.
د ماشومانو روغتیا د کورنیو او ټولنې ګډ مسؤلیت دی.
روغتیايي پیغام!
واکسین د وژونکو ناروغیو مخه نیسي.
ماشوم مو مخکې له دې چې ناروغ شي، واکسین یې کړئ. واکسین د ماشوم روغتیا ساتي او د وژونکو ناروغیو خطر له منځه وړي؛ ځکه چې وقایه له درملنې څخه غوره او زیاته خوندي ده.
روغتیایي پیغام!
ککړه هوا څوک ګواښي؟
ککړه هوا تر ټولو زیات ماشومانو، امیندواره ښځو او زاړه کسانو ته زیان رسوي. دا د ماشومانو وده کمزورې کوي او امیندواره ښځې له جدي روغتیایي ستونزو سره مخ کوي.
روغتیایي پیغام!
ګرانو هېوادوالو!
هغه ټولنه چې د ککړې هوا تر اغېز لاندې وي، هلته د زړه ناروغۍ، ساه لنډي او نورې تنفسي ناروغۍ زیاتې رامنځته کېږي، ځکه دا ناروغۍ د هوا د ککړتیا له امله پیدا کېږي. پاکه هوا زموږ د روغتیا سبب ګرځي.
