لیکنې
روغتیایي پیغام!
د سوځېدنې په صورت کې، که ناروغ شاک ولري او که یې ونه لري، په دواړو حالتونو کې باید په استراحت کې وساتل شي؛ ترڅو یې روغتیا بېرته عادي حالت ته راوګرځي.
روغتیایي پیغام!
د ناروغیو مخنیوي او روغتیا خونديتوب لپاره د خولې او غاښونو پاک ساتلو او مینځلو برخه کې له خپلو ماشومانو سره مرسته وکړئ.
روغتیایي پیغام!
معلولیت لرونکي کسان، د ټولنې د نورو وګړو په څېر هر ډول روغتیایي خدماتو ته د لاسرسي حق لري؛ د اړتیا په صورت کې باید ورسره مرسته وشي.
روغتیايي پیغام!
پخلي کوونکي او هغه کسان چې د خوړو پخولو او چمتو کولو برخه کې کار کوي، باید تل د کار له پیل مخکې خپل لاسونه په اوبو او صابون ومينځي، له دستکشو څخه کار واخلي او خپل نوکان لنډ او پاک وساتي، تر څو د خوړو له ککړېدو مخنیوی وشي.
روغتیایي پیغام!
معلولیت څخه د مخنیوي په موخه ماشومان د درنو او شاقه کارونو ترسره کولو ته مه اړ باسئ.
روغتیايي پیغام!
د انتي بیوټیک درملو استعمال باید د تجویز شوي دورې تر پایه دوام ومومي، که څه هم د ناروغۍ علایم مخکې له وخت څخه لرې شي. د دوا ژر قطع کول کېدای شي د ناروغۍ بیا راګرځېدو او د انتي بیوټیک درملو په وړاندې د مقاومت د رامنځته کېدو سبب شي.
روغتیایي پیغام!
تل خپل نوکان لنډ او پاک وساتئ؛ ترڅو د خوړو ککړتیا مخنیوی وشي او له ناروغیو خوندي پاتې شئ.
روغتیایي پیغام!
میوې او سابه باید د خوړلو څخه مخکې ښه ووینځل شي او د ۳۰ دقیقو لپاره دې د کلورین یا پتاس (پوتاشیم پرمنګنیټ) محلول کې کېښودل شي؛ ترڅو له میکروبونو څخه پاک شي او ستاسې د ناروغۍ سبب ونه ګرځي.
روغتیایي پیغام!
که چېرې تشخیص شي چې ستاسې د وینې فشار لوړ دی، باید له معالج ډاکټر سره مشوره وکړئ او په خپل سري ډول د درملو له کارولو څخه جدي ډډه وکړئ؛ ترڅو ستاسې د ناروغۍ پر وخت درملنه وشي او د ناوړه پایلو مخه ونیول شي.
