لیکنې
روغتیايي پیغام!
که په اسهال اخته ناروغ کې تبه، په فضوله موادو کې د وینې شتون، پرله پسې کانګې، په کمزوري توګه د مور د شیدو څښل او د لاسونو او پښو بې حسي ولیدل شي، ژر تر ژره یې روغتیايي مرکز ته انتقال کړئ؛ تر څو د ناوړه پایلو څخه یې مخنیوی وشي.
روغتیایي پیغام!
شیدې خوړونکو کوچنیانو ته د اسهالاتو پر وخت د مور شیدې ډیرې ورکړئ ، تر څو د بدن مایعات یې پوره او د خوارځواکۍ څخه څخه وژغورل شي.
روغتیايي پیغام!
د کانګو ناروغۍ خپرېدو څخه د مخنیوي په موخه د ژوندیو او یا مړو شویو څارویو د جسدونو، څرمنو، وړیو، د ذبحه شویو څارویو د ناپاکو پښو او سر د لېږد او انتقال لپاره شخصي او مسافر وړونکي نقلیه وسایل مه کاروئ؛ ترڅو د یادې ناروغۍ د خپرېدو مخنیوی وشي.
روغتیايي پیغام!
په کانګو ناروغۍ اخته کسان باید د جدي څارنې لاندې قرار ولري؛ ترڅو روغو کسانو ته د یادې ناروغۍ د انتقال مخنیوي وشي.
روغتیايي پیغام!
د کانګو ناروغۍ خپرېدو څخه د مخنیوي په موخه د قصاب د ذبحې او غوښې پرې کولو چړې له استعمال څخه ډډه وکړئ او پر ځای یې د سیزیجاتو، مېوو او نورو توکو د پرې کولو لپاره له ځانګړي چاقو څخه کار واخلئ؛ ترڅو په کانګو ناروغۍ اخته نه شئ.
روغتیايي پیغام!
د اسهالاتو او ورته نورو ناروغیو څخه د مخنیوي لپاره، تل د نل او سر پټو سرچینو لکه څاه ګانو او کاریزونو څخه اوبه وڅښئ.
روغتیايي پیغام!
د کانګو ناروغۍ خپرېدو څخه د مخنیوي په موخه قصاب باید د ذبحې پرمهال شخصي محافظتي وسایل؛ لکه د کار مناسبې جامې، دستکشې، ماسک، عینکې او بوټونه وکاروي؛ ترڅو د کانګو ناروغۍ د خپرېدو مخه ونیول شي.
روغتیايي پیغام!
د کني چيچلو او د کانګو ناروغۍ د نښو لکه تبې، ځان دردۍ، زړه بدوالي او پوستکي لاندې خونریزۍ د راڅرګندېدو په صورت کې ژر تر ژره ډاکټر ته مراجعه وکړئ؛ ترڅو ناروغي مو پر وخت تشخیص او درملنه یې وشي.
