بلخ د روږدو ناروغانو درملنې سل بستریز روغتون کې د ۳۷ تنه روږدو کسانو درملنه پیل شوه
د نشه يي توکو پر وړاندې د مبارزې مدیریت ۱۰۰ بستریز کمپ څخه ۳۷ تنه روږدي کسان د بلخ ولایت عامې روغتیا ریاست د روږدو درملنې سل بستریز روغتون ته لېږدول شوي او له نوملیکنې وروسته بستر شوي دي.
ټاکل شوې، چې دا ناروغان به د ۴۵ ورځنۍ درملنې لاندې وي او د یادې دورې له بشپړېدو وروسته به خپلو کورنیو ته وسپارل شي.
د یادونې وړ ده، چې اوس مهال د بلخ د روږدو ناروغانو درملنې ۱۰۰ بستریز روغتون کې د بستر شویو روږدو ناروغانو شمېر ۱۰۸تنو ته رسېږي.
