دایکندي او کندوز ولایتونو کې واکسیناتورانو ته ۲۷ عرادې موټرسایکلونه ورکړل شول
د کندوز او دایکندي ولایتونو د عامې روغتیا ریاستونو د یونیسیف او تطبیق کوونکو مؤسسو په همکارۍ لرې پرتو سیمو کې د واکسیناسیون خدمتونو د پوښښ زیاتولو په موخه د Big Catch-Up پروګرام واکسیناتورانو ته ۲۷ عرادې موټرسایکلونه وویشل.
له یادو واکسیناتوارنو څخه ۹ تنه، چې تازه په کندز ولایت کې ګمارل شوي وو، له ۲۱ ورځني روزنیز کورس بشپړولو وروسته لرې پرتو روغتیايي مرکزونو ته د خپلو اړوندو موټرسایکلونو سره معرفي شول؛ ترڅو په دې سیمو کې له پنځو کلونو څخه کم عمر لرونکو ماشومانو ته د روټین واکسین تطبیق کړي.
همداراز، په دایکندي ولایت کې ۱۸ عرادې موټرسایکلونه هغه واکسیناتوارنو ته چې څه موده وړاندې روزل شوي وو، وسپارل شول؛ تر څو د واکسین د تطبیق برخه کې ترې په اغېزمنه توګه کار واخلي.
