لیکنې
روغتيايي پيغام!
په بروسلوزس ناروغۍ له اخته کېدو څخه د مخنيوي لپاره د طب او حيواني روغتیا ډاکټرانو سپارښتنو او مشورو ته پام وکړئ؛ تر څو په دې ناروغۍ اخته نه شئ.
روغتیایي پیغام!
هغه ماشومانو ته چې په نس ناستي اخته وي، او ار اېس، د وریجو اوبه، کم رنګه چای او نور مایعات ورکړئ، ترڅو د هغې له ناوړه پایلو څخه مخنیوی وشي.
روغتیايي پیغام!
د نشه یي توکو کارول جدي روغتیايي، رواني او ټولنیزې ستونزې رامنځته کوي، له کارونې څخه یې ډډه وکړئ.
روغتیایي پیغام!
د خوراکي توکو د ساتلو لپاره له سرپوښ لرونکو لوښو څخه کار واخلئ، ځکه دا د هغو د پاک ساتلو ښه لاره ده؛ ترڅو ناروغ نه شئ.
روغتیایي پیغام!
رواني ناروغانو سره د درملو په کارولو او د رواني ـ ټولنیزو مشورو په ناستو کې د ګډون په موخه مرسته وکړئ، تر څو ژر روغ شي.
روغتیايي پيغام!
د معاينې پر مهال خپلې ټولې روغتيايي ستونزې ډاکټر ته ووایئ او د هغه پوښتنو ته سم ځواب ورکړئ؛ تر څو مو ښه درملنه وشي.
روغتیايي پيغام!
که په سترګو کې مو څه څېز ولوېږي، د رخت ټوټې په وسيله يې له ايستلو او موښلو څخه ډډه وکړئ؛ ځکه دغه کار ممکن ستاسې د سترګو زيانمنېدو سبب وګرځي.
روغتيايي پيغام!
که تشخیص شوه، چې د وينې فشار مو لوړ دی، نو باید له خپل معالج ډاکټر سره مشوره وکړئ او په خپل سر د درملو له کارونې په کلکه ډډه وکړئ؛ تر څو مو پر وخت درملنه وشي او د ناروغۍ له ناوړه پايلو څخه مخنيوی وشي.
روغتیایي پیغام!
د وزن زياتوالي، شکر ناروغۍ او د لوړ فشار مخنیوي لپاره له ډېرو غوړو او خوږو خوړو له خوړلو څخه ډډه وکړئ.
