لیکنې
روغتیايي پیغام!
د کانګو ناروغۍ خپرېدو څخه د مخنیوي په موخه د ژوندیو او یا مړو شویو څارویو د جسدونو، څرمنو، وړیو، د ذبحه شویو څارویو د ناپاکو پښو او سر د لېږد او انتقال لپاره شخصي او مسافر وړونکي نقلیه وسایل مه کاروئ؛ ترڅو د یادې ناروغۍ د خپرېدو مخنیوی وشي.
روغتیايي پیغام!
په کانګو ناروغۍ اخته کسان باید د جدي څارنې لاندې قرار ولري؛ ترڅو روغو کسانو ته د یادې ناروغۍ د انتقال مخنیوي وشي.
روغتیايي پیغام!
د کانګو ناروغۍ خپرېدو څخه د مخنیوي په موخه د قصاب د ذبحې او غوښې پرې کولو چړې له استعمال څخه ډډه وکړئ او پر ځای یې د سیزیجاتو، مېوو او نورو توکو د پرې کولو لپاره له ځانګړي چاقو څخه کار واخلئ؛ ترڅو په کانګو ناروغۍ اخته نه شئ.
روغتیايي پیغام!
د اسهالاتو او ورته نورو ناروغیو څخه د مخنیوي لپاره، تل د نل او سر پټو سرچینو لکه څاه ګانو او کاریزونو څخه اوبه وڅښئ.
روغتیايي پیغام!
د کانګو ناروغۍ خپرېدو څخه د مخنیوي په موخه قصاب باید د ذبحې پرمهال شخصي محافظتي وسایل؛ لکه د کار مناسبې جامې، دستکشې، ماسک، عینکې او بوټونه وکاروي؛ ترڅو د کانګو ناروغۍ د خپرېدو مخه ونیول شي.
روغتیايي پیغام!
د کني چيچلو او د کانګو ناروغۍ د نښو لکه تبې، ځان دردۍ، زړه بدوالي او پوستکي لاندې خونریزۍ د راڅرګندېدو په صورت کې ژر تر ژره ډاکټر ته مراجعه وکړئ؛ ترڅو ناروغي مو پر وخت تشخیص او درملنه یې وشي.
روغتیايي پیغام!
میرګي یوه عصبي ناروغي ده او دردناکې رواني پایلې لري لکه سټِګما، شرم، خپګان او ورته نورې ستونزې، چې په دوامداره توګه یې باید درملنه وشي؛ ترڅو په راتلونکي کې د نورو ناوړو پایلو د پېښېدو مخنیوی وشي.
روغتیايي پیغام!
د ملاریا ماشی په ولاړو اوبو او د څاګانو په شاوخوا کې د اوبو څخه ډک بې سرپوښه لوښو کې ژوند کوي، نو د له منځه وړلو لپاره یې هڅه کې اوسئ.
