د ا.ا.ا د عامې روغتيا وزیر، ښاغلي مولوي نور جلال جلالي په خپل کاري دفتر کې د کار او ټولنيزو چارو وزارت د ټولنيزو چارو له مرستیال، ښاغلي مولوي عبيدالله امين زاده سره ليدنه وکړه
په دې ليدنه کې د دواړو وزارتونو ترمنځ د همغږۍ او ګډو همکاریو پر پياوړتیا او د هغه ماشومانو لپاره چې د کار او ټولنيزو چارو وزارت اړوند روزنتونونو کې شتون لري، د درملنې، روغتيايي خدمتونو وړاندې کولو او د ياد وزارت سره په ګډه ورته د اسانتياوو رامنځته کولو په موخه د يو ګډ هوکړه ليک په اړه هر اړخیز بحث او خبرې تر سره شوې.
دغه راز، په دې ليدنه کې يوه تخنيکي کمېټه وټاکل شوه، چې دا کمېټه به د دواړو وزارتونو ترمنځ د ياد هوکړه ليک د چمتو کولو او اړوندو تخنيکي چارو پرمخ وړلو لپاره لازم اقدامات ترسره کوي.
