د ا.ا.ا. د عامې روغتیا وزیر، ښاغلي مولوي نور جلال جلالي او ورسره مل پلاوي ننګرهار ولایت ته د سفر پرمهال دې ولایت کې د ۲۷.۵ ميليونه افغانيو په مالي لګښت د زون په کچه د ريفرینس لابراتوار پرانيسته ترسره کړه
په دې مراسمو کې د عامې روغتیا وزیر، ښاغلي مولوي نور جلال جلالي چې د مقام دفتر لوی رئیس شیخ محمد طاهر حلیم، د ننګرهار عامې روغتیا رئیس مولوي امین الله شریف، د وزارت مرکزي رئیسانو، د یاد ولایت مسؤلينو د یو این ډي پي ادارې استازو او روغتياپالانو ګډون کړی و.
د عامې روغتيا وزير، ښاغلي مولوي نور جلال جلالي په دې مراسمو کې یاد لابراتوار د ختیځ زون او ټول هېواد لپاره يو مهم او ګټور پرمختګ وباله او دا یې د تشخیصیه برخې د پیاوړتیا لپاره مهمه لاس ته راوړنه یاده کړه.
ښاغلي وزیر، زیاته کړه ( په دې لابراتوار کې به هغه معاينات ترسره کېږي، چې تر دې وړاندې به هېوادوال یې د تر سره کولو په موخه بهر ته تلل، چې اوس به دا ستونزه تر یوه اندازې حل شي).
د یاد ریفرینس لابراتوار چارې شپږ میاشتې وړاندې د عامې روغتیا وزارت رهبرۍ په غوښتنه د یو این ډي پي په مالي همکارۍ پیل شوې وې چې نن د تشخصیه خدماتو لپاره پرانیستل شو.
