د ا.ا.ا د عامې روغتیا وزیر، ښاغلي مولوي نور جلال جلالي ننګرهار ته د سفر په ترڅ کې د یاد ولایت د عامې روغتیا له ریاست څخه لیدنه وکړه
په دغه لیدنه کې له ښاغلي وزیر سره د ننګرهار د عامې روغتیا رئیس، مولوي امین الله شریف په بېلابېلو روغتیایي برخو کې د ترسره شویو خدماتو، د مراجعینو لپاره د یو لوی جوړ شوي پارک، د ریاست په داخل کې د رغنیزو چارو او یو لوی مسجد د جوړېدو په اړه معلومات شریک کړل.
د عامې روغتیا ښاغلي وزیر په یادو ترسره شویو رغنیزو چارو خوښي وښوده او د عامې روغتیا رئیس ته یې لارښوونه وکړه، چې ناروغانو او مراجعینو ته د لا زیاتو اسانتیاوو برابرولو لپاره خپلو هڅو ته دوام ورکړي.
