د افغانستان اسلامي امارت د عامې روغتیا وزیر، ښاغلی ډاکټر قلندر عباد او ورسره مل پلاوی پاکستان ته د رسمي سفر په ترڅ کې د College of physician and surgeons اسلام آباد څانګې له رئیس، ډاکټر شعیب شفیع او یو شمېر افغان محصلینو سره لیدنه ترسره کړه
د عامې روغتیا وزیر، ښاغلي ډاکټر قلندر عباد او ورسره مل پلاوي په دې لیدنه کې پر ګڼو روغتیايي موضوعاتو د بحث تر څنګ د CPSP څانګې له مسؤل څخه وغوښتل، چې دFCPS پروګرام لپاره په افغانستان کې هم په انلاین یا فزیکي بڼه ازموینه واخیستل شي او یاد پروګرام دې د افغانستان په یو روغتون کې هم پیل شي؛ تر څو افغانان هم د دې پروګرام له ګټو څخه برخمن شي.
د CPSP پروګرام مسؤل په ياده برخه کې د پوره همکارۍ ترڅنګ ژمنه وکړه، چې ډېر ژر به یو پلاوی د دې پروګرام د پيل او د روغتون د انتخاب په موخه افغانستان ته سفر وکړي.
د عامې روغتیا وزیر، ښاغلي ډاکټر قلندر عباد همداراز په یاد هېواد کې د افغان محصلینو سره د لیدنې په ترڅ کې د هغوی ستونزې واورېدې او د حل ډاډ یې ورکړ.
د یادونې وړ ده، چې د CPSP پروګرام اوسمهال په نیپال، ایرلینډ، متحده عربي امارات او ګڼ شمېر نورو هېوادونو کې پلي کېږي.
