د روغتیايي خدمتونو وړاندې کولو مرستیال نیمروز ته د سفر په ترڅ کې د ابریشم پُل سرحدي سیمه کې بېرته راستنېدونکو هېوادوالو ته د روغتیايي خدمتونو له بهیر څخه لیدنه ترسره کړه
د ا.ا.ا د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او مل پلاوي نیمروز ته د سفر په ترڅ کې د ابریشم پُل سرحدي سیمه کې بېرته راستنېدونکو هېوادوالو ته د روغتیايي خدمتونو له بهیر څخه لیدنه ترسره کړه
د روغتیايي خدمتونو وړاندې کولو مرستیال، ښاغلي مولوي عبدالولي حقاني د مل تخنیکي ټیم سره په ګډه، چې د نیمروز مرستیال والي یې هم ملتیا کوله، د روغتیا په برخه کې له هغه تطبیق کوونکو مؤسسو، چې په یاده سیمه کې په فعالیت بوخت دي نظارت ترسره او اړوندو مسؤلینو او روغتیايي کارکوونکو ته یې سپارښتنې وکړې، چې بېرته راستنېدونکو هېوادوالو ته غوره روغتیايي خدمتونه وړاندې کړي.
دغه راز، د تخنیکي ټیم له لوري ستونزې په نښه او د حل په موخه له اړوندو مسؤلینو سره شریکې شوې.
