د روغتیايي قوانینو له تطبیق څخه د څارنې ریاست د ۱۴۰۲ هــ ش کال کړنې او فعالیتونه تر څېړنې لاندې ونیول شوې
د عامې روغتیا وزارت د روغتیايي پراختیا او پالیسۍ مرستیال، ډاکټر محمد حسن غیاثي په خپل کاري دفتر کې د دې وزارت د روغتیايي قوانینو له تطبیق څخه د څارنې رئیس، مولوي محمودالله زاهد سره لیدنه ترسره کړه
په دې لیدنه کې د ۱۴۰۲ هــ ش کال کې د روغتیايي قوانینو له تطبیق څخه د څارنې ریاست لاسته راوړنې، وړاندیزونه، ستونزې او د هغوی د حل لارو په اړه بحث او خبرې ترسره شوې.
د عامې روغتیا وزارت د روغتیايي پراختیا او پالیسۍ مرستیال، د روغتیايي قوانینو له تطبیق څخه د څارنې ریاست له لاسته راوړنو څخه د خوښۍ د څرګندولو تر څنګ د یاد ریاست مسؤلینو ته لارښوونه وکړه، چې د ستونزو د حل په موخه لازمې کړنې ترسره کړي؛ ترڅو هېوادوالو ته لازم خدمتونه وړاندې شي.
