د عامې روغتیا وزارت د د روغتیايي پراختیا او پالیسۍ مرستیال په جورډان هیواد کې په اتم سیمه ییز کنفرانس کې کډون وکړ

د افغانستان اسلامي امارت د عامې روغتیا وزارت د روغتیايي پراختیا او پالیسۍ مرستیال، ښاغلي ډاکټر محمد حسن غیاثي جورډان هېواد ته د سفر په ترڅ کې د مل پلاوي سره په ګډه د شرقي مديترانې حوزې هېوادونو له استازو سره د ‘’Advancing Public Health Preparedness and Response: Challenge, opportunities and Ways Forward’’ په اتم سیمه ییز کنفرانس کې کډون وکړ.

په دې کنفرانس کې، چې د شرقي مديترانې حوزوې د ۲۲ هېوادونو د روغتیا برخې استازو په کې ګډون کړی و، د هېوادونو تر منځ د روغتیايي میزان پر پیاوړتیا، په روغتیايي برخه کې په ناڅاپي توګه رامنځته کېدونکو بېړنيو پېښو ته پر چمتووالي، د واکسیناسیون خدماتو پر پیاوړي کولو، د روغتیايي کارکوونکو پر ظرفیت لوړونې او ګڼو نورو روغتیايي موضوعاتو بخث او خبرې ترسره شوې.