د عامې روغتیا وزارت د معین له خوا د سید کرم روغتون د پاتې چارو ارزونه وکړه
د ا.ا.ا د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني پکتیا ته د سفر په ترڅ کې له مل پلاوي سره په ګډه د سید کرم ولسوالۍ روغتون د نیمه پاتې چارو څخه لیدنه وکړه
په دې لیدنه کې چې د پکتیا د عامې روغتیا رئیس ډاکټر معراج ګل عادل او د سید کرم ولسوال یې هم ملتیا کوله، د روغتیايي خدمتونو وړاندې کولو مرستیال، ښاغلي مولوي عبدالولي حقاني د یاد روغتون د بېلا بېلو برخو نیمه پاتې چارو ارزونه وکړه او ټینګار یې وکړ، چې د دغه روغتون پاتې چارې باید ژر تر ژره بشپړې او ګټې اخیستنې ته وسپارل شي.
