د عامې روغتیا وزارت د مقام د دفتر لوی رئیس د کونړ زلزله‌ځپلو ټپیانو د درملنې وضعیت وڅېړ

rasooli_admin
سه‌شنبه ۱۴۰۴/۶/۱۱ - ۱۲:۱۱
moph

د ا.ا.ا د عامې روغتیا وزارت د مقام د دفتر لوی رئیس، ښاغلي الحاج شیخ محمد طاهر حلیم او مل پلاوي د کونړ ولایت د تېرې ورځې زلزلې قربانیانو د درملنې او وضعیت ارزونې په موخه اسعدآباد ولایتي روغتون کې د داخل بستر ټپیانو څخه لیدنه وکړه

د دې لیدنې موخه د زلزلې قربانیانو ته په معیاري او سمه توګه رسېدنه او هغوی ته د مناسبو روغتیايي خدمتونو وړاندې کول وو، چې ترڅ کې یې د عامې روغتیا وزارت د مقام د دفتر لوی رئیس د روغتون مسؤلینو او روغتیایي کارکوونکو ته د ښو او پر وخت خدمتونو په ترسره کولو ټینګار وکړ.

 سربېره پر دې، د دغه لیدنې پر مهال د یاد روغتون له مسئولینو سره د شته روغتیایي امکاناتو په اړه بحث او خبرې وشوې؛ تر څو ډاډ تر لاسه شي، چې ناروغانو ته ټول روغتیايي خدمتونه په ښه توګه او ټاکلي وخت تر سره کېږي.

د مقام د دفتر لوی رئیس د روغتیایي کارکوونکو د هڅو او ستړیاوو قدرداني وکړه او ورڅخه یې وغوښتل، چې خدمات باید لا معیاري او ټولو ته په منظم ډول وړاندې شي.

د یادولو وړ ده، چې ښاغلي حلیم د دې روغتون ادارې سره ژمنه وکړه، چې د یاد روغتون هر ډول اړتیاوو ته به د عامې روغتیا وزارت په وخت رسېدنه وکړي.

تازه خبرونه

سه‌شنبه ۱۴۰۴/۷/۱ - ۱۳:۹
Background image

د اکمال تخصص لوی ریاست د اکاډمیکو چارو د همغږۍ ریاست د بهرنیو اسنادو د ارزونې کمېټې غونډه ترسره شوه

دا غونډه د اکمال تخصص لوی رئیس ډاکټر نثار احمد نیازي په مشرۍ د یاد ریاست په  دفتر کې د بهرنیو اسنادو د ارزونې کمېټې غړو او د اکاډمیکو چارو د همغږۍ ریاست مسؤلینو په شتون کې ترسره شوه

د. . .

سه‌شنبه ۱۴۰۴/۷/۱ - ۱۱:۱۳
Background image

د پوهاند غضنفر روغتیایي علومو انسټیټیوټ په تالار کې د Polymerase Chain Reaction (PCR) علمي کنفرانس ترسره شو

دغه کنفرانس د PCR ټکنالوژۍ د علمي، څېړنیزو او عملي اړخونو د ارزولو لپاره د پوهاند غضنفر روغتیایي علومو انسټيټیوټ د طبي ټکنالوژۍ څانګې له لوري ترسره شو، چې موخې یې د مالیکولي بیولوژۍ د. . .

BACK TO NEWS