د عامې روغتیا وزارت څارنې او پلټنې لوی رییس، ډاکټر عنایت الله عنایت د مل تخنیکي ټیم سره په ګډه د اختر په څلورمه ورځ د ارینا سلیمي خصوصي روغتون څخه لیدنه ترسره کړه
د دې لیدنې موخه د یاد روغتون د فعالیتونو ارزونه، د شته ستونزو او ننګونو یادښت کول او د روغتیايي خدمتونو د کیفیت ښه کولو لپاره د عملي حل لارو موندل وو، چې په ترڅ کې یې د څارنې او پلټنې لوی رییس، د روغتون له بېلا بېلو برخو څخه د لیدنې ترڅنګ د ناروغانو احوال واخیست او مسؤلینو ته یې د فیسونو کنټرول برخه کې لازمې سپارښتنې وکړې.
د څارنې او پلټنې رییس دغه راز، له روغتیايي کارکوونکو سره له نږدې خبرې وکړې، د هغوی ستونزې یې واورېدې او د ناروغانو معیاري درملنې په موخه یې ورته اړینې لارښوونې ترسره کړې.
