د عامې روغتیا وزیر، ښاغلي مولوي نور جلال جلالي په مرکز کابل کې د تخصصي او ثالثي روغتونونو له مسؤلینو سره ناسته ترسره کړه
په دې ناسته کې د روغتیا په برخه کې د شته امکاناتو څخه په اغېزمنه توګه د ګټې اخیستلو، د روغتیايي کارکوونکو د معاشاتو او په روغتیايي سکتور کې د مسلکي کسانو پر ګمارنې بحث او خبرې ترسره شوې.
د عامې روغتیا وزیر، ښاغلي مولوي نور جلال جلالي هېوادوالو ته د روغتیايي خدمتونو رسول د عامې روغتیا وزارت دنده وبلله او په همدې موخه یې د روغتونونو له مسؤلینو وغوښتل، چې د روغتیا په برخه کې د ټولو شته امکاناتو څخه د اغېزمنې کارونې او خپل پوره توان په مرسته هېوادوالو ته خدمات وړاندې کړي.
نوموړي همداراز د روغتیايي کارکوونکو د معاشاتو زیاتوالي په برخه کې د پرمختګ ډاډ ورکړ او زیاته یې کړه، موږ هڅه کوو چې د روغتیايي سیستم د پیاوړتیا سربېره د روغتیايي کارکوونکو معاشونه هم لوړ کړو.
