د عامې روغتیا وزیر د یوناما پخواني مشر سره او همدارنګه د جاپان سفیر سره وکتل
د افغانستان اسلامي امارت د عامې روغتیا وزیر، ښاغلي مولوي نور جلال جلالي په خپل کاري دفتر کې د یوناما پخواني مشر، ښاغلي تادا میچي یاماموتو او د افغانستان لپاره د جاپان هېواد سفیر او مل پلاوي سره وکتل
په دې لیدنه کې د روغتیا په برخه کې د جاپان هېواد د مرستو او همکارۍ اړوند خبرې ترسره شوې.
د عامې روغتیا وزیر، ښاغلي مولوي نور جلال جلالي افغانستان سره د روغتیا په برخه کې د یاد هېواد له لوري د ترسره شویو مرستو په موخه مننه وکړه او د روغتیايي سیستم پیاوړتیا، افغان روغتیايي پرسونل ظرفیت لوړونې او لرې پرتو سیمو ته د روغتیايي خدمتونو پراخېدو برخه کې د همکارۍ غوښتونکی شو.
له بل لوري د یاد هېواد استازو د روغتیا په برخه کې د دوامداره همکاریو ډاډ څرګند کړ.
