د عامې روغتیا وزیر په هند کې د درملیزو فابریکو او اتحادیو له مسؤلینو سره د درملو وارداتو او پانګونې په اړه ولیدل
د افغانستان اسلامي امارت د عامې روغتیا وزیر، ښاغلي مولوي نورجلال جلالي هند هېواد ته د خپل رسمي سفر په جریان کې د دیاد هېواد د درملیزو فابریکو، صادرونکو شرکتونو او دودیزو درملو اتحادیو له مسؤولینو سره لیدنه تر سره کړه:
په دې لیدنه کې افغانستان ته پر معیاري درملو واردولو، د قیمت او کیفیت برخې ته ځانګړې پاملرنې، په افغانستان کې پر پانګونې او ځینو نورو موضوعاتو باندې خبرې تر سره شوې.
د عامې روغتیا ښاغلي وزیر، د افغانستان لپاره د درملو پر اړتیا او د اړتیا پوره کولو اړوند مفصلې خبرې وکړې، ښاغلي وزیر هندي پانګه وال وهڅول چې داخل د افغانستان کې د درملو په تولید کې کار وکړي، همدارنګه ښاغلي وزیر وویل؛ اوس مهال افغانستان د درملو په برخه کې کافي ځایونو ته لاسرسی لري، خو تر هر څه لمړیتوب یې په کم قیمت د باکیفیته درملو په بازار کې شتون او د خلکو لاسرسی دی.
بل لوري ته د هند هېواد د درملیزو اتحادیو مسؤولینو خوښي وښوده، چې په داخل د افغانستان کې د پانګونې فرصتونه برابر شوي، نوموړو د درملو د کیفیت او قیمت برخه کې ښاغلي وزیر ته ډاډ ورکړ او د دوۍ په وینا چې په اوس وخت کې به د افغانستان مارکیټ کې هیڅ کمی نه را منځته کیږي، چې په دې برخه کې هر ډول همکارۍ ته اماده دي. دغه راز د تولیدي فابریکو مسؤولینو وویل؛ اوس مهال به له خپل قیمت هم په کم او ارزانه درمل افغانستان ته صادروي او د خپلو افغان دوستانو سره به هر ډول همکارۍ ته حاضر وي.
