د مرستو همغږۍ او روغتیا سیسټم د پیاوړتیا رئيس مرستو د ښې همغږۍ، مصرف او سپما او د روغتیا سیسټم د پیاوړتیا په اړه انلاین غونډه تر سره کړه
د عامې روغتیا وزارت د مرستو همغږۍ او روغتیا سیسټم د پیاوړتیا ریاست رئيس ښاغلي حدیدالله نظیم ذاکري د ګلوبل فنډ همغږۍ يونټ، د ګلوبل فنډ جینوا میشت مشرتابه ښاغلي انکجن باوو او ملګرو ملتونو د پراختیایي پروګرام ادارې د مسؤلینو؛ آغلي آیولنډا او آغلي ډینا سره د مرستو د ښې همغږۍ، مصرف او سپما او د روغتیا سیسټم د پیاوړتیا په اړه انلاین غونډه تر سره کړه.
یاده غونډه د روغتیايي سیستم د پیاوړتیا، ښې همغږي، مصرف او سپما په اړه ترسره شوه، تر څو اوسني خنډونه له منځه ولاړ شي، له شته مالې فرصتونو څخه ښه ګټه واخیستل شي او د هیواد په کچه روغتیايي سیسټمونه پیاوړي شي.
غونډه د روغتيايي سېسټم د پياوړتيا له پاره د ښو همغږيو او ورته مجلسونو د دوام په هيله پای ته ورسېده.
