د ننګرهار ولایت روداتو، خوګیاڼيو او پچیراګام ولسوالیو کې د کورونو د دواپاشۍ کمپاین پیل شو
د ملاریا او نورو ناقله ناروغیو د پروګرام مسؤلینو له لوري د خپلو دوامداره فعالیتونو په لړ کې د ملاریا د اوټبریکونو (خپرېدنې) د کنټرول په موخه ننګرهار ولایت کې د یادو درېو ولسوالیو لپاره د پلان او موجودو ملاریايي ارقامو پر بنسټ د کورونو د دواپاشۍ کمپاین پیل شو.
یاد کمپاین به ۲۱ ورځې دوام وکړي او د دغو ولسوالیو په ۲۶ کلیو او ۶۳۷۲ کورونو کې به تطبیق شي، چې شاوخوا ۴۴۶۳۷ تنه وګړي به ترې ګټه واخلي.
د یادونې وړ ده، چې دغه کمپاین د ۲۰ تنه سوپروایزرانو او ۶۰ تنه دواپاشانو له لوري پر مخ وړل کېږي.
