د کونړ په نورګل ولسوالۍ کې دوه ګرځنده روغتیایي ټیمونو فعالیت پیل کړ
یاد ټیمونه چې د کونړ ولایت عامې روغتیا ریاست په هلو ځلو د روغتیا نړیوال سازمان په مالي مرسته او د هېواد مؤسسې په تخنیکي همکارۍ یې فعالیت پیل کړ، د پرانیستې مراسمو کې یې د کونړ عامې روغتیا رئیس، قاري مظفر خان مخلص د روغتیا نړیوال سازمان څخه مننه وکړه، چې د لرې پرتو سیمو اوسېدونکو او بېرته راستانه شویو ته یې د روغتیايي خدمتونو وړاندې برخه کې همکاري وکړه.
د یادونې وړ ده، چې د یادو ټیمونو په مرسته به د ۱۲ کلیو اوسېدونکي، چې شمېر یې (۱۴۰۰۰) تنه کېږي له روغتیايي خدمتونو برخمن شي.
