په شیخ زاید روغتون کې د آکسیجن  تولید څانګه پرانیستل شوه

 چهارشنبه، جوزا ١١/ ۱۴۰۱
 د عامې روغتیا وزارت د پالیسۍ او پلان مرستیال ډاکټر محمد حسن غیاثي او ملګري پلاوي یې د یوې غونډې په ترڅ کې د شیخ زاید روغتون د اکسيجن د تولید څانګه پرانیسته او  ګټې اخيستتې ته وسپارله.
 د وزارت د پاليسۍ او پلان مرستيال په دغه روغتون کې د روغتيايي خدمتونو د کيفيت او د ناروغانو د روغتيايي حالت د ښه والي په خاطر د دغې دستګاه فعالول يو اغيزمن ګام وباله او ويې ويل چې دغه دستګاه د اروپايي اتحاديې، آغاخان بنسټ او کورديد مٶسسې په مالي مرسته د ١٦ ميليوڼه افغانيو په ارښت ،  د اوو مياشتو  په موده کې جوړه او ګټې اخيستنې ته وسپارل شوه.
 ډاکټر غياثي زياته کړه، چې دغه دستګاه په يوه ورځ او شپه کې د څلويښتو اکسيجن بالونونو د توليد وړتيا لري، چې د ناروغانو د روغتيا په برخه کې به ترې کار واخلي.
 د يادونې وړ ده، چې د آغا خان دفتر د کورديد  له انستيتوت سره په همکارۍ په بدخشان، تخار، کندوز، بغلان، باميان، نيمروز، هرات، پکتيا، کابل او اروزګان ولايتونو کې لس د آکسيجن دستګاوې  نصب کړي، چې په کې د  اووه ولایتونو د جوړيدو کار تمام  او درې نور ولایتونه ګټې اخستنې  ته چمتو دي.
 د شیخ زاید روغتون ۱۰۸ بستره لري او په دغه روغتون کې ډاکټران د عصبي جراحي، عصبي او د عاجل پاملرنې په څانګو کې ناروغانو ته روغتیايي خدمتونه وړاندې کوي.