پکتیا او هرات ولایتونو کې د خوراکي توکو له یو شمېر پلورنځيو څخه نظارت تر سره شو
دغه نظارت چې د یادو ولایتونو د عامې روغتیا مسؤلینو له لوري تر سره شو، پایله کې ۸۶۰ کیلو ګرامه له نېټې تېر خوراکي مواد د هرات ولایت په لومړۍ او درېمه ناحیه کې او ۴۹۰ کېلو ګرامه له نېټې تېر خوراکي مواد د پکتیا ولایت په مرکز ګردیز ښار کې راټول او د له منځه وړلو په موخه مرکزي ګدامونو ته ولېږدول شول.
همداراز د دې نظارت په ترڅ کې اړوندو مسؤلینو ته د کیفیت ښه والي او قوانینو د مراعت په موخه لازمې سپارښتنې وشوې، چې د سرغړونې په صورت کې به له قانوني اقداماتو سره مخ شي.
