پکتیا ولایت کې شاوخوا ۲۸ ټنه بې کیفیت او له نېټې تېر درمل او خوراکي توکي له منځه یووړل شول
یاد درمل او خوراکي توکي د پکتیا د عامې روغتیا ریاست مسؤلینو له لوري له مرکز او ولسوالیو څخه راټول شوي وو، چې د عامې روغتیا رئیس او ټاکل شوې کمېټې په شتون کې له منځه یووړل شول.
د پکتیا د عامې روغتیا رئیس، ډاکټر معراج ګل عادل خلکو ته ډاډ ورکړ، چې د نظارت مسؤلین به د پلان له مخې خپلو نظارتي فعالیتونو ته دوام ورکړي، ترڅو خلکو ته لوړ کیفیت لرونکي درمل او خوراکي توکي وړاندې او له ناروغیو څخه خوندي پاتې شي.
