د حوزوي روغتونونو د لابراتوار برخې مسؤولینو ته شپږ ورځنې تريننګ پيل شو

د عامې روغتيا وزارت اړوند حوزوي روغتونونو د لابراتوار برخې مسؤولینو او کار کوونکو ته د الیزا او پی سي آر د تخنیکونو پواسطه د تورې ټوخلې، چیچک، تور زیړي، او نورو مختلفو ویروسونو د معیاري تشخیص شپږ ورځنې تريننګ پيل شو.

د عامې روغتیا وزارت د تشخیصیه ریاست اړوند د مرکزي لابراتوارونو د ټریننګونو په تالار کې د Capacity Building Training for the Laboratory Staff on the “Diagnosis of Pertussis, Chickenpox, Hepatitis A and E by RT-PCR "and ELISA

ترعنوان لاندې ټریننګ د نړیوال روغتیایي سازمان په مالي لګښت او دعامې روغتیا وزارت د مرکزي لابراتوارونو په تخنیکي همکارۍ د عامې روغتیا وزارت د تشخیصیه ریاست د رئیس ښاغلي ډاکټر احمد ناصر حنيفي، د عامې روغتیا د مرکزي لابراتوارونو د آمریت د آمر ښاغلي ډاکټر مسعود ، د روغتیا د نړیوال سازمان او د لابراتوارونو په برخه کښې ګلوبل فنډ د پروژې د همکارانو په شتون کې پيل شو!

په یاد ټریننګ کښې د کندهار، بلخ، پکتیا، ننګرهار، هرات او کندز د حوزوي لابراتوارونو، د کابل د انتاني ناروغیو د ملي روغتون او د مرکزي لابراتوارونو څخه ۲۶ تنه د لابراتوار د برخې کار کوونکي ګډون لري چې یاد ټریننګ به په عملي او نظري ډول د شپږو ورځو لپاره دوام ولري.

دغه ټریننګ په هیواد کښې د الیزا او پی سي آر د تخنیکونو پواسطه د تورې ټوخلې، چیچک، تور زیړي، او نورو مختلفو ویروسونو د معیاري تشخیص په موخه تدویر شویده چې دا لړۍ به د لابراتوار په څانګه کې د ظرفیت لوړونې په موخه ادامه لري.