د افغانستان اسلامي امارت د عامې روغتیا وزیر، ښاغلي ډاکټر قلندر عباد په خپل کاري دفتر کې د ازموینو د ملي ادارې له مشر، الحاج شیخ عبدالباقي حقاني سره لیدنه ترسره کړه
په دې لیدنه کې د ۱۴۰۳ هـ ش کال لپاره د عامې روغتیا وزارت په تشکیل کې د خالي بستونو، د ازموینو په شفافیت او د دواړو لورو تر منځ په غوره همغږۍ بحث او خبرې ترسره شوې.
د عامې روغتیا وزیر، ښاغلي ډاکټر قلندر عباد د ازموینو ملي ادارې د مشر څخه د مننې ترڅنګ په ازموینو کې د روڼتیا په موخه د نوموړي کړنې وستایلې او د عامې روغتیا وزارت په تشکیل کې یې د راتلونکې ۱۴۰۳ هـ ش کال خالي بستونو د ازموینو اخیستلو په موخه د یادې ادارې همکاري اړینه وبلله.
له بل لوري د ازموینو ملي ادارې مشر، الحاج عبدالباقي حقاني د ازموینو ملي اداره یوه باوري اداره وبلله او د ازموینو د پایلو د شفافیت په اړه یې بشپړ ډاډ ورکړ.
