د عامې روغتیا وزیر، ښاغلي ډاکټر قلندر عباد بغلان ولایت ته د خپل سفر په ترڅ کې په بورکه ولسوالۍ کې د یو CHC روغتیايي مرکز څخه لیدنه ترسره کړه
د عامې روغتیا وزیر، ښاغلي ډاکټر قلندر عباد په دې روغتیايي مرکز کې ناروغانو ته د روغتیايي خدمتونو د وړاندې کېدو له بهیر څخه د نږدې لیدنې سربېره د یاد روغتیايي مرکز کارکوونکو ته سپارښتنه وکړه؛ ترڅو په دې ولایت کې د ورستیو سېلابونو له امله د زیانمنو شویو روغتیايي حالت ته هر اړخیزه پاملرنه وکړي.
له بل لوري د بغلان عامې روغتیا ریاست مسؤلینو او د یاد روغتیايي مرکز کارکوونکو ښاغلي وزیر ته د ورستیو سېلابونو له امله د زیانمنو شویو روغتیايي حالت ته د رسېدو ډاډ ورکړ او ویې ویل، په دې برخه کې به له هیڅ ډول هڅو او کوششونو دریغ ونه کړي.
