ارزګان ولایت کې د خصوصي روغتیایي سکتور څخه نظارت تر سره شو
د عامې روغتیا وزارت د نظارت او بررسۍ عمومي رییس ډاکټر فضل الهی علیزي په مشرۍ مل پلاوي ارزګان ولایت ته، د خپل سفر پرمهال د دغه ولایت له یو شمېر خصوصي روغتیايي سکتور څخه نظارت ترسره کړ.
یاد پلاوي لومړی د ارزګان عامې روغتیا رییس سره ناسته وکړه او وروسته یې دغه ولایت کې د خصوصي سکتور څخه نظارت ترسره کړ، چې پرمهال یې یو شمېر کتنځایونه او لابراتوارونه د اسنادو نه درلودو له امله وتړل او هم ورته د معیاري خدماتو وړاندې کولو لازمې سپارښتنې ترسره شوې.
