د اکمال تخصص د څیړنې میتودولوژي په موخه ناسته تر سره شوه
د عامې روغتیا وزارت اکمال تخصص ریاست له لوري د تخصصي برنامې استادانو سره د Research Methodology Curriculum (څېړنې میتودولوژي نصاب) د شریکېدو په موخه ناسته ترسره شوه
په دې ناسته کې د اکمال تخصص عمومي رئیس ډاکټر محمد حیدر عمر، د تخصصي برنامې استادانو او د څېړنې میتودولوژي برخې مسؤلینو شتون درلود.
د اکمال تخصص ریاست مسؤلینو له لوري د څېړنې میتودولوژي نصاب د تخصصي برنامې له استادانو سره شریک او د استادانو له لوري موضوعګانې انتخاب شوې، چې له مخې به یې د روان کال څلورمې ربعې په ترڅ کې په مرکز او ولایتونو کې د ټریني ډاکټرانو لپاره د څېړنې میتودولوژي کورسونه پیل شي.
په دې ناسته کې د اکمال تخصص رئیس، ډاکټر محمد حیدر عمر وویل: ټاکل شوې د تخصصي برنامې هغه استادانو له لوري چې د څېړنې میتودولوژي برخه کې یې له وړاندې زده کړې ترلاسه کړي، د مرکز او ولایتي تخصصي روغتونونو ټولو ټریني ډاکټرانو ته په (۵۵)بېلا بېلو دورو کې روزنیز کورسونه ترسره شي.
