د افغانستان اسلامي امارت د عامې روغتیا وزیر، ښاغلي ډاکټر قلندر عباد د تازه فارغ شوو متخصصینو سره لیدنه ترسره کړه
په دې لیدنه کې چې نن شنبه د رجب المرجب د میاشتې په ۸ مه نېټه تر سره شوه د هیواد په روغتیایي مرکزونو کې د دوئ د جذب ، اکمال تخصص برنامې د پیاوړتیا د ډاکټرانو د ظرفیت لوړونې ، د روغتیایي خدمتونو د ښه والي ، او د یادو متخصصینو دستونزو د حل اړوند بحث او خبرې تر سره شوې.
د عامې روغتیا وزیر ښاغلی، ډاکټر قلندر عباد د ډاکټرانو او روغتیایي کارکوونکو له ظرفیت لوړول له خپلو لومړیتوبونو څخه وګاڼه او زیاته یې کړه ، چې مونږ په هڅه کې یو ؛ تر څو د یوې اغیزمنې کړنلارې له مخې په روغتیایي سکتور کې زده کړیز سیستم پیاوړی کړو.
همدا راز یادو متخصصینو د ازموینې اړوند خپلې ستونزې او وړاندیزونه د عامې روغتیا وزارت له مشرتابه سره شریک کړل ، چې د عامې روغتیا وزارت له مشرتابه له لورې د حل ډاډ ورکړل شو.