د تړون ورکړې خبرتیا!

د عقودو قانون او د دې وزارت لنډ مهالي اجرایوي پړاوونو سره سم له دې لارې ټولو ته خبر ورکول کېږي، د عامې روغتیا وزارت تدارکاتو ریاست په پام کې لري، د دغه وزارت اړوند (د سرطان کنټرول ملي پروگرام اړوند د 1404 هجري شمسي کال د اړتیا وړ دوه قسمه تېلو ډېزل او پطرول د تدارک پروژه) چې ریفرینس شمیره یې (MOPH/1404/NCB/G-1271)ده. د (هارون بلال لمیتد) شرکت ته ورکړي، یاد شرکت (7380-0101) ګڼې جواز لرونکی او اصلي موقعیت یې (د پروان کابل سړک، شکر درې سړک ته مخامخ، هارس پاور د تېلو تانګ، کابل) کې دی او د تړون بیه (7,414,600) اووه میلیونه، څلور سوه او څوارلس زره شپږ سوه  افغانۍ ده.

د حقیقي او حکمي اشخاصو د هر ډول نیوکو په صورت کې هغوی کولای شي، خپلې نیوکې په لیکلې بڼه د لاملونو په ذکر کولو سره د اعلان خپرېدو له نیټې څخه تر دریو تقویمي ورځو پورې د عامې روغتیا وزارت د تدارکاتو ریاست اړوند ودانیزو تدارکاتو آمریت ته، چې د عامې روغتیا وزازت څلور لارې ته څېرمه موقعیت لري، وسپاري.

یادونه: دا خبرتیا د تړون د لاسلیک کولو په معنا نه ده او د پورته ذکر شوې مودې او د راتلونکو قانوني پړاوونو تر بشپړیدو پورې به تړون نه لاسلیک کېږي.