د عامې روغتیا وزارت د مالي او اداري چارو مرستیال د روږدو درملنې پر روغتون د برید له ټپیانو ليدنه وکړه
د عامې روغتیا وزارت د مالي او اداري چارو مرستیال، ښاغلي قاري عبدالولي صدیقي او مل پلاوي په وزیر محمد اکبر خان ملي او تخصصي روغتون کې د پاکستان له لوري د روږدو درملنې روغتون باندې د وحشيانه برید له امله د ټپي شويو هېوادوالو احوال واخيست.
د دې لیدنې په ترڅ کې ښاغلي مرستیال د روغتیايي کارکوونکو هڅې وستایلې او لا یې وهڅول، چې د ټپیانو لازمه درملنه ترسره او خپلو مسؤليتونو ته پوره پاملرنه وکړي.
دغه راز، ښاغلي مرستیال د پاکستان له لوري د روږدو درملنې پر روغتون د شوي وحشیانه برید له ټپیانو سره په لیدنه کې د هغوی د روغتيا هيله څرګنده او د بشپړې پاملرنې ډاډ یې ورکړ.
