د ’’ غیر ساري ناروغیو په اړه عامه پوهاوی’’ تر عنوان لاندې درې ورځنی ورکشاپ ترسره شو
د عامې روغتیا وزارت د روغتیا ملي انسټیوټ له لوري د غیر ساري ناروغیو د کنټرول ډیپارټمنټ په همکارۍ د ۲۱ وزارتونو او امارتي ادارو د پالیسۍ جوړولو برخې ۴۸ کارکوونکو ته د ’’ غیر ساري ناروغیو په اړه عامه پوهاوی’’ تر عنوان لاندې درې ورځنی ورکشاپ ترسره شو.
د عامې روغتیا وزارت د غیر ساري ناروغیو د مخنیوي او کنټرول مسؤل، ډاکټر محمد سمیع کریمي د نورو وزارتونو او ادارو له همکارۍ پرته د غیر ساري ناروغیو مخنیوی او کنټرول ستونزمن کار وباله او زیاته یې کړه، په هېواد کې د غیر ساري ناروغیو د مخنیوي او کنټرول په برخه کې باید د سکتورونو ترمنځ همکاري، ژمنتیا او همغږي پیاوړې شي او په همدې موخه یې له ګډونوالو وغوښتل، چې د یاد ورکشاپ په لړ کې د غیر ساري ناروغیو د کنټرول په اړه زده کړي موضوعات په خپلو اړوندو ادارو کې پلي کړي.
